Батыс Қазақстан облысы
Тілдерді дамыту басқармасы

Западно-Казахстанское областное
Управление по развитию языков

Басқарма туралы
«Батыс Қазақстан облыстық тілдерді дамыту басқармасы»

Батыс Қазақстан облыстық тілдерді дамыту басқармасының сенім телефоны: 50 84 12.
Мемлекеттік қызметшілердің этикасын бақылау кітабы басқарма бастығының қабылдау бөлмесінде орналасқан.

Батыс Қазақстан облыстық тілдерді дамыту басқармасы мемлекеттік тілді еркін және тегін меңгеруіне қажетті қаржылық, ұйымдастырушылық, материалдық-техникалық жағдайлар жасау және «Үштұғырлы тіл» мәдени жобасын жүзеге асыру мақсатында облыс тұрғындарына қазақ және ағылшын тілдерін оқыту курстарын ұйымдастырады.

Курсқа оқуға тапсырыстар мына мекен жай бойынша жұмыс күндері сағ. 9.00-ден 18.30-ға дейін (түскі үзіліс 13.00-ден - 14.30-ға дейін) қабылданады: 090000, Орал қаласы, Х.Чурин көшесі, 116

Достар, өздеріңізге белгілі, Мемлекет басшысы Сыбайлас жемқорлыққа қарсы іс-қимыл агенттігін құру туралы шешім қабылдады. Бұл Қасым-Жомарт Тоқаевтың басым бағыттарының бірі - сыбайлас жемқорлыққа қарсы күресті күшейтуді іске асырудың бастауы екендігін куәландырады. Институционалдық өзгерістерге қарамастан, парасаттылық идеологиясына негізделген жұмыстың жаңа форматы біз үшін басым болып қалуда. Алайда, сыбайлас жемқорлық шенеуніктерді ұстау көңіл-күйді ешкімге көтермейтіндігін жақсы түсінсек те, жұмысымызды әлсіретуге ниетті емеспіз.

2019 жылдың 10 – 11 маусым аралығында Орал қаласында «Жаңа әліпби негізіндегі қазақ тілі емлесі ережелерін» түсіндіру бойынша «Жаңа емле: құрылымы мен мазмұны» атты ауқымды іс-шара өтті. Тренинг жүргізген «Шайсұлтан Шаяхметов атындағы «Тіл-Қазына» ұлттық ғылыми-практикалық орталығының ғалым-хатшысы, филология ғылымдарының кандидаты Мамырбек Гүлфар Мәжитқызы және «Шайсұлтан Шаяхметов атындағы «Тіл-Қазына» ұлттық ғылыми-практикалық орталығы Қолданбалы лингвистика басқармасының басшысы, филология ғылымдарының кандидаты Итегулова Сая Ағанасқызы, Жәңгір хан атындағы Батыс Қазақстан аграрлық-техникалық университетінің аға оқытушысы Габдуалиева Зарифа Ғарифоллақызы, «C.L.A.S. Plus» оқу орталығының қазақ тілі мен әдебиетінің оқытушысы Қуанышева Гүлфайруз Ерсайынқызы түрлі интерактивтік әдіс-тәсілдерді қолдану арқылы қазақ тілі тек қарым-қатынас және ақпарат алмасу құралы ғана емес, оның қызметі әлдеқайда салмақты екенін, оның адамның ішкі түйсігінің, сана-сезімінің барометрі және оны түрлі жолдармен ұрпақтан ұрпаққа жеткізуші тетік екенін дәлелдей отыра, тыңдаушыларға терең әсер қалдырды.

Ағымдағы жылдың 10-11 маусым күні ҚР Мәдениет және спорт министрлігі Тіл саясаты комитетінің қолдауымен Батыс Қазақстан облыстық тілдерді дамыту басқармасы және Шайсұлтан Шаяxметов атындағы "Тіл қазына" ұлттық ғылыми-практикалық орталығының ұйымдастыруымен Жәңгір xат атындағы Батыс Қазақстан аграрлық-теxникалық университетінің базасында "Қазақстандағы жазу реформасы: мәселелері мен болашағы" атты дәріс пен семинар өтуде.

2019 жылдың 30-мамыр күні Батыс Қазақстан облыстық тілдерді дамыту басқармасының қолдауымен «Еуразия әлеуметтік-гуманитарлық зерттеу орталығы» қоғамдық бірлестігі М.Өтемісов атындағы Батыс Қазақстан мемлекеттік университетінде Алаш арыстарының көсемі, Ұлт ұстазы А.Байтұрсынұлы атындағы тілдерді оқыту орталықтары оқытушыларының арасындағы облыстық байқауын ұйымдастырды. 

2019 жылдың 28-мамыр күні Батыс Қазақстан облыстық тілдерді дамыту басқармасының әлеуметтік жобаларды жүзеге асыру тапсырысы негізінде «Еуразия әлеуметтік-гуманитарлық зерттеу орталығы» қоғамдық бірлестігі Жайық Пресс ЖШС мәжіліс залында «Мемлекеттік тіл және БАҚ» облыстық байқауының марапаттау кезеңін ұйымдастырды. Бұл шараға облыс аудандарынан және Орал қаласы бойынша 13 үміткер қатысып, 23 материал келіп түсті. 

Ағымдағы жылдың 24 мамыр күні "Тіл шебері-2019" жас мемлекеттік қызметшілер арасында үш тілде білім беру идеясын насихаттау, үш тілді қазақ, орыс және ағылшын тілдерін жетік меңгерген жас мемлекеттік қызметшілерді анықтау және қолдау, тіл мәдениетін көтеру, үштілділікті насихаттау мақсатында облыстық байқауы өтті. Конкурсқа аудандардан, қаладан жергілікті мемлекеттік органдардың 21-30 жас аралығындағы мемлекеттік қызметшілері қатысты.

2019 жылдың 21 мамыр күні республикалық Абай атындағы көркемсөз оқу шеберлері байқауының облыстық кезеңі ұйымдастырылды. Бұл шараға облыс аудандарынан және Орал қаласы бойынша 13 үміткер қатысты. Биылғы Абай оқуының ерекшелігі жастар жылы аясында оздырылып, қатысушылар 3 түрлі шарт бойынша сайысқы түсті.

Ағымдағы жылдың 16 мамыр күні дәстүрлі тіл фестивалі аясында, үш тілді: қазақ, орыс және ағылшын тілдерін жетік меңгерген дарынды жастарға қолдау көрсету, қазақстандық патриотизмді нығайту, тілдік мәдениетті тәрбиелеу, өзге халықтардың тілі мен мәдениетін құрметтеуді қалыптастыру мақсатында "Тілдарын" облыстық олимпиадасы өтті. Олимпиадаға облыстың аудандарынан, жалпы орта білім беретін мектептерінің, техникалық және кәсіптік білім беру ұйымдарының оқушылары, студенттері, жас мамандары қатысты.

FaLang translation system by Faboba